ქალაქ თბილისის მერიის სსიპ ცხოველთა მონიტორინგის სააგენტო აგრძელებს კამპანიას „ერთად ვიზრუნოთ დედაქალაქზე და შევქმნათ უსაფრთხო გარემო“.
ქალაქ თბილისის მერიის სსიპ ცხოველთა მონიტორინგის სააგენტო აგრძელებს კამპანიას „ერთად ვიზრუნოთ დედაქალაქზე და შევქმნათ უსაფრთხო გარემო“ , რომელის ფარგლებშიც სხვადასხვა ღონისძიებებთან ერთად ხორციელდება სააგენტოს მიერ შემუშავებული სპეციალური „ საინფორმაციო გაკვეთილის“ ( პროგრამა) წარდგენა თბილისის საჯარო და კერძო სკოლებში. პროგრამა მიზნად ისახავს მოზარდებში ცნობიერების ამაღლებას, ცხოველებთან ჰუმანური მოპყრობის, უსაფრთხოების ნორმების დაცვისა და მათთან ჰარმონიული თანაცხოვრების პრინციპების დანერგვას.
აღნიშნულმა პროექტმა დიდი ინტერესი და მოწონება დაიმსახურა როგორც მოსწავლეების ისე მასწავლებლების მხრიდან. პროგრამა აქტიურად მიმდინარეობს და გაგრძელდება სასწავლო წლის დასრულებამდე.
