.jpg)
.jpg)
მუნიციპალური თავშესაფრიდან ჩუქდება სამფეხა პოინტერი ან პოინტერის მეტისი
მუნიციპალური თავშესაფრიდან ჩუქდება 5 მაისს ლეჟავას ქუჩიდან (ჰუალინგის მიმდებარე ტერიტორია) შემოყვანილი პოინტერი ან პოინტერის მეტისი.
ძაღლი თავშესაფარში კიდურის ტრავმითა და ჯანმრთელობის სხვადასხვა პრობლემით შემოვიდა. შემოყვანისთანავე ანალიზები და გადასხმები გაუკეთდა, შემდეგ კი შესაბამისი ქირურგიული დახმარება გაეწია. სამწუხაროდ, ექიმმა-ვეტერინარებმა მისი კიდურის შენარჩუნება ვერ შეძლეს და ძაღლმა ერთი ფეხი დაკარგა.
საკმაოდ ხანგრძლივი რეაბილიტაციის შემდეგ, ახლა ის სრულიად ჯანმრთელია, თუმცა იმის გამო, რომ ერთი ფეხი დაკარგა, მისი ბუნებრივ არეალში დაბრუნება გარკვეულ რისკებს უკავშირდება. ძაღლს ქუჩაში ადაპტაცია გაუჭირდება და ამასთან, ქუჩის გადაკვეთისათვის შედარებით დიდი დრო დასჭირდება, რამაც მას შესაძლოა საფრთხე შეუქმნას.
ამდენად, გთხოვთ, იჩუქოთ ან მიიკედლოთ ის, რადგან მისთვის განსაკუთრებით მნიშვნელოვანია, იპოვნოს პატრონი. სხვა შემთხვევაში, თავშესაფრის წესებიდან გამომდინარე, მისი ბუნებრივ არეალში დაბრუნება მოგვიწევს.
თავშესაფარში მუდმივად ცხოველის გაჩერება არ შეიძლება და დიდი ხნით თავშესაფარში ყოფნა, არც თავად ცხოველისათვის არის სასარგებლო. გთხოვთ, გაავრცელოთ. ერთად მოვძებნოთ მისთვის ერთგული პატრონი.
ცხოველის ბუნებრივ არეალში დაბრუმებამდე დარჩენილია 3 დღე!
ჯიში: პოინტერი ან პოინტერის მეტისი
ასაკი: 4-5 წლის
სქესი: ძუ (გასტერილებული)
ფერი: თეთრი წითური ლაქებით
ჩუქების მსურველი დაგვიკავშირდეს ნომერზე - 577 958-555
