26 სექტემბერი
2022
ცოფის ვირუსთან ბრძოლის საერთაშორისო დღე
28 სექტემბერს, ცოფის ვირუსთან ბრძოლის საერთაშორისო დღესთან დაკავშირებით, ცხოველთა მონიტორინგის სააგენტო შინაური ცხოველების ანტირაბიულ (ცოფის ვირუსის საწინააღმდეგო) ვაქცინაციას, დედაქალაქის მასშტაბით, 5 მისამართზე ჩაატარებს.
ცხოველების მეპატრონეებს, მიმკედლებლებსა და დაინტერესებულ მოქალაქეებს შესაძლებლობა ექნებათ, ცხოველებს (ძაღლი/კატა) ანტირაბიული აცრა უფასოდ ჩაუტარონ.
სააგენტოს ავტომობილი მისამართებზე განრიგის მიხედვით მივა და ოთხფეხა პაციენტებს მოემსახურება:
- ვეტერანთა კულტურისა და დასვენების ბაღი (კიკვიძის ბაღი) – 11:00-12:00 სთ.
- ვერის ბაღი –13:00-14:00 სთ.
- მოსკოვის გამზირი N52ა-სთან მდებარე სკვერი - 15:00-16:00 სთ.
- ვარკეთილის მეტრო (ე.წ. ყვავილების ბაზრობის მიმდებარედ) - 17:00-18:00 სთ.
ანტირაბიული ვაქცინაცია ცხოველს წელიწადში ერთხელ უტარდება, ამიტომ რევაქცინაცია წინა აცრის თარიღის გათვალისწინებით მოხდება.
მიუსაფარი ცხოველების ბოლო ვაქცინაციის ზუსტი თარიღის დადგენის მიზნით, მიმკედლებლებსა და დაინტერესებულ მოქალაქეებს შეგიძლიათ დაგვიკავშირდეთ სააგენტოს ცხელ ხაზზე - 032 2 421 424 (ან მოგვწეროთ სოციალური ქსელის საშუალებით) და ამის შემდეგ, მოიყვანოთ ცხოველები ვაქცინაციის ჩასატარებლად თქვენთვის ხელსაყრელ მისამართზე.
ანტირაბიული ვაქცინაცია და შემდეგ ყოველწლიური რევაქცინაცია, როგორც ძაღლებისა და კატებისათვის ცოფის მიმართ მდგრადი იმუნური სისტემის ჩამოყალიბებისათვის, ასევე, ვირუსის პრევენციისათვის მნიშვნელოვანი ღონისძიებაა. მის მიზანს მოსახლეობისა და ცხოველების უსაფრთხოება და ჯანმრთელობა წარმოადგენს.
ორშ
სამ
ოთხ
ხუთ
პარ
შაბ
კვი
