საჯარო ლექცია - ,,ზოონოზური დაავადებები"
ცხოველთა მონიტორინგის სააგენტოს ინიციატივით, 12 დეკემბერს, 17:00 საათზე, ილიას სახელმწიფო უნივერსიტეტის G106 საკონფერენციო დარბაზში, საჯარო ლექციების კურსის მეშვიდე ლექცია - ,,ზოონოზური დაავადებები“ ჩატარდება.
ლექციას დაავადებათა კონტროლის ეროვნული ცენტრის სამეცნიერო ხელმძღვანელი, თსუ-ს პროფესორი პაატა იმნაძე წაიკითხავს.
ლექციის ძირითადი თემებია:
- ადამიანებსა და ცხოველებში გავრცელებული დაავადებები;
- დაავადებების სიმპტომატიკა;
- კონკრეტული შემთხვევები საქართველოსა და მსოფლიოში;
- ზოონოზური დაავადებების გავრცელების სტატისტიკა.
საჯარო ლექციების კურსი - ,,ყველაფერი შინაური ცხოველების შესახებ“ 13 ლექციას მოიცავს და მასზე დასწრება ნებისმიერ მსურველს შეუძლია.
კურსის დასრულების შემდეგ, მსმენელებს სერტიფიკატები გადაეცემათ.
