საჯარო ლექცია - ,,კატების სახლში ყოლის წესები და რეკომენდაციები“

08 თებერვალი

2019

ცხოველთა მონიტორინგის სააგენტოს ინიციატივით, 11 თებერვალს, 17:00 საათზე, ილიას სახელმწიფო უნივერსიტეტის G106 საკონფერენციო დარბაზში, საჯარო ლექციების კურსის მეათე ლექცია - ,,კატების სახლში ყოლის წესები და რეკომენდაციები“ ჩატარდება.

ლექციას საქართველოს ფისომოყვარულთა კლუბის დამფუძნებლები - ნინი რთველიაშვილი და ბელა მაღრაძე წაიკითხავენ.

ლექციის ძირითადი თემებია:

რა უნდა გავითვალისწინოთ და როგორ მოვემზადოთ კატის აყვანისათვის;
როგორ დავიცვათ ჩვენი კატების უსაფრთხოება ისე, რომ არ დავარღვიოთ მათი ქცევის გამოხატვის თავისუფლება;
მიუსაფარი კატების პრობლემები და სპეციფიკა საქართველოში;
მიუსაფარი კატების გადარჩენა და ფოსტერინგი;
კატების პოპულაციის მართვის მნიშვნელობა.

საჯარო ლექციების კურსი - ,,ყველაფერი შინაური ცხოველების შესახებ“ 13 ლექციას მოიცავს და მასზე დასწრება ნებისმიერ მსურველს შეუძლია.

კურსის დასრულების შემდეგ, მსმენელებს სერტიფიკატები გადაეცემათ.