ცხოველთა მონიტორინგის სააგენტო გაჩუქებული ცხოველების მონიტორინგს განაგრძობს

30 მარტი

2023

ცხოველთა მონიტორინგის სააგენტო თავშესაფრიდან გაჩუქებული ცხოველების მონიტორინგს ინტენსიურ რეჟიმში განაგრძობს.

სააგენტოს მონიტორინგის ჯგუფმა ცხოველების მდგომარეობა და საცხოვრებელი პირობები ამჯერად ვაკის რაიონში გადაამოწმა.

გამოქვეყნებულია მხოლოდ იმ ცხოველების ფოტოები, რომელთა მეპატრონეებმაც გადაღებაზე თანხმობა განაცხადეს.

სააგენტო თავშესაფრიდან გაჩუქებული ცხოველების მოვლა-პატრონობის მონიტორინგს სისტემატურად განახორციელებს.

ქალაქ თბილისის მუნიციპალიტეტის საკრებულოს მიერ დამტკიცებული ცხოველების (ძაღლების, კატების) მოვლა-პატრონობისა და მათი პოპულაციების მართვის წესის მიხედვით, ცხოველის პატრონი ვალდებულია:

იზრუნოს ცხოველის ჯანმრთელობაზე, მოვლა-პატრონობასა და მის კეთილდღეობაზე;
უზრუნველყოს ცხოველის სათანადო კვება და დაწყურვება, ცხოველისთვის საძილე ადგილის გამოყოფა-მოწყობა, დათბუნება და განათება;
ცხოველის გასეირნება და სათანადო ფიზიკური აქტივობა;
სათანადო სანიტარიულ-ჰიგიენური პირობების შექმნა.

აღნიშნული წესების დარღვევის შემთხვევაში, პასუხისმგებლობის ზომები დადგენილია საქართველოს ადმინისტრაციულ სამართალდარღვევათა კოდექსის 103-ე მუხლით.