სიახლეები
19 მაისი
2023

გაკვეთილი 106-ე საჯარო სკოლაში

ცხოველთა მონიტორინგის სააგენტომ 106-ე საჯარო სკოლაში შინაური ცხოველების შესახებ მორიგი საინფორმაციო-შემეცნებითი გაკვეთილი ჩაატარა.
 
გაკვეთილს მე-2 კლასის მოსწავლეები, პედაგოგთან ერთად ესწრებოდნენ.
 
გაკვეთილის განმავლობაში ბავშვებმა მიიღეს ინფორმაცია შემდეგ საკითხებზე:
 
ცხოველების კეთილდღეობა და მათი უფლებები;
ადამიანისა და ცხოველების მეგობრობის ისტორიები;
მიუსაფარი ცხოველების პრობლემები და საჭიროებები;
რატომ უკეთიათ ძაღლებს ,,საყურე“;
რა გავლენას ახდენს ცხოველის ყოლა ბავშვის ფსიქო-ემოციურ განვითარებაზე;
რა პასუხისმგებლობა აქვს ცხოველის პატრონს და ზოგადად, ადამიანს;
პატრონის მიერ ცხოველის მიტოვების პრობლემა;
როგორ უნდა მოვიქცეთ გასაჭირში მყოფი ცხოველის აღმოჩენის შემთხვევაში;
ცხოველების მიმართ ჩამოყალიბებული სტერეოტიპები და არარაციონალური შიშები;
მიუსაფარ ცხოველებთან ურთიერთობის წესები.
 
გაკვეთილი ინტერაქტიულ რეჟიმში ჩატარდა, რომლის განმავლობაშიც მოსწავლეებმა მოკლემეტრაჟიანი ფილმები ნახეს და მიუსაფარი ცხოველების პრობლემებსა და საჭიროებებზე იმსჯელეს.
 
სოციალური პასუხისმგებლობის წახალისების მიზნით, მოსწავლეებს სააგენტოს წარმომადგენლებმა სერტიფიკატები გადასცეს და ცხოველების მეგობრის სტატუსი მიანიჭეს.
 
პროექტის მიზანია მოზარდებში შინაური ცხოველების მიმართ ემპათიისა და ჰუმანური განწყობა-დამოკიდებულებების ჩამოყალიბება, სოციალური პასუხისმგებლობის წახალისება.
 
მასწავლებლებს, მოსწავლეებსა და მშობლებს, რომელთაც გსურთ, სააგენტომ თქვენს კლასში აღნიშნული გაკვეთილი ჩაატაროს, დარეკეთ ცხელ ხაზზე - 032 2 421 424 ან მოგვწერეთ სოციალური ქსელის საშუალებით.