სოციალურ კამპანიას ,,ვზრუნავ მიუსაფარზე“ კერძო კომპანია ,,ზოოარეა" შემოუერთდა

22 დეკემბერი

2023

ცხოველთა მონიტორინგის სააგენტოს სოციალურ კამპანიას ,,ვზრუნავ მიუსაფარზე“ კერძო კომპანია ,,ზოოარეა" შემოუერთდა, რომელიც აღნიშნულ ღონისძიებაში მონაწილე ადამიანებს, მათი მზრუნველობის ქვეშ მყოფ ცუგებისა და ფისოებისთვის განკუთვნილ სასაჩუქრე ვაუჩერებს გადასცემს.

ზოოარეას მიერ გადმოცემული საკვები კამპანიის პირობების მიხედვით განაწილდება.

#ვზრუნავმიუსაფარზე კამპანიაში მონაწილეობისთვის:

გააზიარე მიუსაფარ ცხოველზე (ან ცხოველებზე) ზრუნვის ისტორია და დაურთე ფოტო ან ვიდეო.

გამოიყენე ჰეშთეგი #ვზრუნავმიუსაფარზე.

მონიშნე ცხოველთა მონიტორინგის სააგენტოს ფეისბუქ გვერდი.

პოსტის ბმული გამოგვიგზავნე სააგენტოს ინბოქსში.

სოციალური კამპანია - #ვზრუნავმიუსაფარზე მიზნად ისახავს მიუსაფარ ცხოველებზე მზრუნველი ადამიანების მხარდაჭერას, დახმარებას და ამ მიზნით საზოგადოებისა და ბიზნეს სექტორის კონსოლიდაციას. ასევე, ქუჩის ცხოველებზე ზრუნვის კულტურის დამკვიდრებას.

კამპანია 5 დეკემბერს დაიწყო და 24 დეკემბრის ჩათვლით გაგრძელდება. ამ ვადის გასვლის შემდეგ, ყველაზე დიდი გამოხმაურების (მოწონებისა და გაზიარების) მქონე პოსტების ავტორებს მათი მზრუნველობის ქვეშ მყოფი ცხოველებისთვის კერძო სექტორის მიერ დაწესებული საჩუქრები გადაეცემათ.

სოციალურ კამპანიაში ჩართვის სურვილის მქონე ბიზნეს სუბიექტებმა მოგვმართეთ - 577945501