სააგენტომ შინაური ცხოველების შესახებ ქართულ-გერმანულ სკოლა ,,სხივში" საინფორმაციო-შემეცნებითი შეხვედრა ჩაატარა

06 თებერვალი

2024

ცხოველთა მონიტორინგის სააგენტომ შინაური ცხოველების შესახებ ქართულ-გერმანულ სკოლა ,,სხივში" საინფორმაციო-შემეცნებითი ხასიათის შეხვედრა ჩაატარა, რომელსაც საშუალო საფეხურის მოსწავლეები, პედაგოგთან და სკოლის ადმინისტრაციასთან ერთად, დაესწრნენ.

შეხვედრის განმავლობაში მოსწავლეებმა მიუსაფარ ცხოველებთან დაკავშირებულ სხვადასხვა თემაზე იმსჯელეს და მიიღეს ინფორმაცია შემდეგ საკითხებზე:

ცხოველების კეთილდღეობა და მათი უფლებები;

ქუჩის ცხოველების პრობლემები და საჭიროებები;

მიუსაფარი ცხოველების გამრავლების ძირითადი წყაროები და გამოწვევებთან გამკლავების გზები;

მიუსაფარ ცხოველებთან ურთიერთობის წესები.

შინაურ ცხოველებთან დაკავშირებული საკანონმდებლო რეგულაციები;

რა პასუხისმგებლობა აქვს ცხოველის პატრონს და ზოგადად, ადამიანს;

პატრონის მიერ ცხოველის მიტოვების პრობლემა;

როგორ უნდა მოვიქცეთ გასაჭირში მყოფი ცხოველის აღმოჩენის შემთხვევაში;

ცხოველების მიმართ ჩამოყალიბებული სტერეოტიპები და არარაციონალური შიშები;

რა გავლენას ახდენს ცხოველის ყოლა ბავშვის ფსიქო-ემოციურ განვითარებაზე;

აღნიშნული სკოლა მოსწავლეებისა და მასწავლებლების ჩართულობით მიუსაფარი ცხოველების დასახმარებლად სხვადასხვა პროექტს პერიოდულად ახორციელებს. ერთ-ერთი ასეთი პროექტის ფარგლებში მოსწავლეები რამდენიმე მისამართზე მიუსაფარ ცხოველებს კვებავენ და მათზე ზრუნავენ.