გაკვეთილი თავისუფალ სკოლაში
ცხოველთა მონიტორინგის სააგენტომ კომპანიონი ცხოველების შესახებ მორიგი საინფორმაციო- შემეცნებითი გაკვეთილი თავისუფალი სკოლის მეშვიდე კლასის მოსწავლეებთან ჩაატარა.
გაკვეთილს მოსწავლეებთან ერთად მათი პედაგოგებიც დაესწრნენ.
გაკვეთილის განმავლობაში ბავშვებმა მიიღეს ინფორმაცია შემდეგ საკითხებზე:
ცხოველების კეთილდღეობა და მათი უფლებები;
რა გავლენას ახდენს ცხოველის ყოლა ბავშვის ფსიქო-ემოციურ განვითარებაზე;
ცხოველების მიმართ ჩამოყალიბებული სტერეოტიპები და არარაციონალური შიშები;
მიუსაფარი ცხოველების პრობლემები და საჭიროებები;
მიუსაფარი ცხოველების გამრავლების ძირითადი წყაროები და გამოწვევებთან გამკლავების გზები;
მიუსაფარ ცხოველებთან ურთიერთობის წესები.
რა პასუხისმგებლობა აქვს ცხოველის
პატრონს და ზოგადად, ადამიანს;
პატრონის მიერ ცხოველის მიტოვების პრობლემა;
როგორ უნდა მოვიქცეთ გასაჭირში მყოფი ცხოველის აღმოჩენის შემთხვევაში;
შინაურ ცხოველებთან დაკავშირებული საკანონმდებლო რეგულაციები;
გაკვეთილი ინტერაქტიულ რეჟიმში ჩატარდა, რომლის განმავლობაშიც მოსწავლეებმა ადამიანის სამოქალაქო პასუხისმგებლობაზე, გამოწვევებთან გამკლავების გზებზე, მიუსაფარი ცხოველების პრობლემებსა და საჭიროებებზე იმსჯელეს.
სოციალური პასუხისმგებლობის წახალისების მიზნით, მოსწავლეებს სააგენტოს წარმომადგენლებმა სერტიფიკატები გადასცეს და ცხოველების მეგობრის სტატუსი მიანიჭეს.
პროექტის მიზანია მოზარდებში შინაური ცხოველების მიმართ ემპათიისა და ჰუმანური განწყობა-დამოკიდებულებების ჩამოყალიბება, სოციალური პასუხისმგებლობის წახალისება.
მასწავლებლებს, მოსწავლეებსა და მშობლებს, რომელთაც გსურთ, სააგენტომ თქვენს კლასში აღნიშნული გაკვეთილი ჩაატაროს, დარეკეთ ცხელ ხაზზე - 032 2 421 424 ან მოგვწერეთ სოციალური ქსელის საშუალებით
