.jpg)
.jpg)
მაშველებმა კატა გადაარჩინეს
ცხოველთა მონიტორინგის სააგენტოს მაშველებმა თემქის მეოთხე მიკრორაიონში, მე-6 კორპუსის საჰაერო მილში ჩავარდნილი კატა გადაარჩინეს.
მაშველებმა, პირველ რიგში, მისი მდებარეობა ზუსტად განსაზღვრეს. სიღრმეში ჩავარდნილი ფისოს სხვენიდან ჩაშვებული თოკებით ვერ ამოიყვანეს, ამიტომ მათ მეპატრონის თანხმობით, მერვე სართულზე, ერთ-ერთი ბინის საჰაერო მილი გამოტეხეს და კატა უსაფრთხოდ გამოიყვანეს.
სამაშველო ჯგუფმა ფისო მასზე მზრუნველ ადამიანებთან დააბრუნა.
აღნიშნული შემთხვევების პრევენციისათვის, ცხოველთა მონიტორინგის სააგენტო გთხოვთ, საჰაერო მილები დალუქოთ მეტალის ბადეებით, ან სხვა საშუალებით, ვინაიდან, სხვენიდან ღია მილებში კატებისა და კნუტების ჩავარდნის ფაქტები საკმაოდ ხშირია.
ცხოველთა მონიტორინგის სააგენტო მადლობას უხდის ყველა იმ მოქალაქეს, რომლის მომართვის საფუძველზე, სააგენტოს მაშველები დედაქალაქის ბინადარ ცხოველებს ეხმარებიან.
