.jpg)
.jpg)
სააგენტომ რეგისტრაციასა და სტერილიზაციის მომსახურებაზე ხელმისაწვდომობის გაზრდის მიზნით, მოქალაქეებს, უფასო სტერილიზაციის მომსახურება შესთავაზა.
ცხოველთა მონიტორინგის სააგენტომ რეგისტრაციასა და სტერილიზაციის მომსახურებაზე ხელმისაწვდომობის გაზრდის მიზნით, მოქალაქეებს, მობილურ ვეტერინარულ კლინიკაში ცხოველების რეგისტრაციის შემთხვევაში, უფასო სტერილიზაციის მომსახურება შესთავაზა.
ამჯერად მობილური ვეტკლინიკა ოთხფეხა პაციენტებს გლდანის მე-7 მიკრორაიონში, ე.წ. ,,ბროწეულას სკვერში“ მოემსახურა.
მოქალაქეებს შესაძლებლობა ჰქონდათ აქციის ფარგლებში მიეღოთ შემდეგი სერვისები:
ძაღლის რეგისტრაცია + უფასო სტერილიზაცია
ცხოველების ანტირაბიული ვაქცინაცია
ცხოველების კომპლექსური ვაქცინაცია
ექიმი-ვეტერინარის უფასო კონსულტაცია
ცხოველების პატრონების საყურადღებოდ: გთხოვთ, გაითვალისწინოთ, რომ მოქმედი კანონმდებლობის თანახმად, ვალდებული ხართ მოახდინოთ თქვენი ცხოველების იდენტიფიკაცია და რეგისტრაცია.
არარეგისტრირებული და არაიდენტიფიცირებული ცხოველის ყოლა იწვევს ადმინისტრაციულ პასუხისმგებლობას!
ასევე, კანონმდებლობის მიხედვით, შერეული ჯიშის (მეტისი) ცხოველის ყოლის შემთხვევაში, მეპატრონე ვალდებულია, უზრუნველყოს მისი სტერილიზაცია/კასტრაცია.
