29 მარტს სააგენტოს ექიმი-ვეტერინარები შინაურ ცხოველებს სხვადასხვა სახის მომსახურებას გაუწევენ
29 მარტს, შაბათს, 12:00-დან 17:00 საათამდე, გლდანის ა მიკრორაიონში, N55-58 კორპუსებთან მდებარე სკვერში (ფანჩატურთან), ცხოველთა მონიტორინგის სააგენტოს ექიმი-ვეტერინარები შინაურ ცხოველებს სხვადასხვა სახის მომსახურებას გაუწევენ.
მეპატრონეებს, მიმკედლებლებსა და მიუსაფარ ცხოველებზე მზრუნველ მოქალაქეებს საშუალება ექნებათ ადგილზე მიიღონ შემდეგი მომსახურებები:
ექიმი-ვეტერინარის უფასო კონსულტაცია;
იდენტიფიკაცია-რეგისტრაცია;
ანტირაბიული და კომპლექსური ვაქცინაცია.
მომსახურებით სარგებლობისთვის აუცილებელია, წინასწარ დარეკოთ მითითებულ ნომერზე - 550 054 144 და ჩაეწეროთ.
ცხოველის იდენტიფიკაცია-რეგისტრაციის შემთხვევაში, მეპატრონე გადაიხდის მხოლოდ ჩიპის თვითღირებულების საფასურს - 19 ლარს (ნაღდი ანგარიშსწორებით).
მომსახურების მისაღებად, აუცილებელია, მოქალაქეებმა თან იქონიოთ პირადობის დამადასტურებელი მოწმობა.
სააგენტოს თანამშრომლები მოქალაქეებს ასევე გაუზიარებენ ინფორმაციას პატრონის პასუხისმგებლობის, მათ შორის, რეგისტრაციისა და სტერილიზაციის ვალდებულებების შესახებ.
პროექტის მიზანია, ცხოველებზე მზრუნველი ადამიანებისათვის ვეტერინართან კონსულტაციის ხელმისაწვდომობის გაზრდა, საჭირო და პრობლემატურ საკითხებზე ინფორმაციის მიღება და გამოცდილების გაზიარება.
ცხოველების პატრონების საყურადღებოდ: გთხოვთ, გაითვალისწინოთ, რომ მოქმედი კანონმდებლობის თანახმად, ვალდებული ხართ მოახდინოთ თქვენი ცხოველების იდენტიფიკაცია და რეგისტრაცია.
არარეგისტრირებული და არაიდენტიფიცირებული ცხოველის ყოლა იწვევს ადმინისტრაციულ პასუხისმგებლობას!
ასევე, კანონმდებლობის მიხედვით, შერეული ჯიშის (მეტისი) ცხოველის ყოლის შემთხვევაში, მეპატრონე ვალდებულია, უზრუნველყოს მისი სტერილიზაცია/კასტრაცია.
