დაარეგისტრირეთ ძაღლი და გაასტერილეთ უფასოდ მობილურ ვეტკლინიკაში
ცხოველთა მონიტორინგის სააგენტო რეგისტრაციასა და სტერილიზაციის მომსახურებაზე ხელმისაწვდომობის გაზრდის მიზნით, მოქალაქეებს გაძლევთ შესაძლებლობას, დაარეგისტრიროთ ძაღლი და გაასტერილოთ უფასოდ მობილურ ვეტკლინიკაში, თქვენთვის ხელსაყრელ, ახლომდებარე ლოკაციაზე.
აღნიშნული მომსახურებით სარგებლობისთვის მოქალაქე გადაიხდის მხოლოდ ჩიპის თვითღირებულების საფასურს - 19 ლარს.
30 მარტს, კვირას, მობილური ვეტკლინიკა ოთხფეხა პაციენტებს გლდანის მე-7 მიკრორაიონში, ე.წ. ,,ბროწეულას სკვერში“ (ფეხბურთის სტადიონის მიმდებარედ) 12:00-დან 17:00 საათამდე მოემსახურება.
იხილეთ ,,ბროწეულას სკვერის" მდებარეობა https://maps.app.goo.gl/bAPAxYXoNeSVRZEB6?g_st=aw
მოქალაქეებს შესაძლებლობა ექნებათ აღნიშნული აქციის ფარგლებში მიიღონ შემდეგი სერვისები:
ძაღლის რეგისტრაცია + უფასო სტერილიზაცია
ცხოველების ანტირაბიული ვაქცინაცია
ცხოველების კომპლექსური ვაქცინაცია
ექიმი-ვეტერინარის უფასო კონსულტაცია
მომსახურებით სარგებლობისთვის აუცილებელია, წინასწარ დარეკოთ მითითებულ ნომერზე - 550 054 144 და ჩაეწეროთ.
აუცილებელია, მოქალაქეებმა თან იქონიოთ პირადობის დამადასტურებელი მოწმობა.
ცხოველების პატრონების საყურადღებოდ: გთხოვთ, გაითვალისწინოთ, რომ მოქმედი კანონმდებლობის თანახმად, ვალდებული ხართ მოახდინოთ თქვენი ცხოველების იდენტიფიკაცია და რეგისტრაცია.
რარეგისტრირებული და არაიდენტიფიცირებული ცხოველის ყოლა იწვევს ადმინისტრაციულ პასუხისმგებლობას!
ასევე, კანონმდებლობის მიხედვით, შერეული ჯიშის (მეტისი) ცხოველის ყოლის შემთხვევაში, მეპატრონე ვალდებულია, უზრუნველყოს მისი სტერილიზაცია/კასტრაცია.
