სააგენტოს მაშველებმა კნუტი გადაარჩინეს

24 სექტემბერი

2025

ცხოველთა მონიტორინგის სააგენტოს ოპერატიული რეაგირების ჯგუფმა კიდევ ერთი ფისო გადაარჩინა. ფისო ამავე კორპუსის მობინადრემ გულთბილად შეიფარა და თავისი ოჯახის წევრად მიიღო.

გამოძახება ბ. ჭიჭინაძის 29-ე “ე” კორპუსის მცხოვრებლებმა დააფიქსირეს, რის შედეგადაც სააგენტოს რეაგირების ჯგუფმა ოპერატიულად დაათვალიერა აღნიშნული ლოკაცია და აღმოაჩინა, რომ ფისო სავენტილაციო მილის გავლით, კორპუსის სარდაფის კედელში იყო გაჭედილი.

შენობის კომპლექსური კონსტრუქციიდან გამომდინარე, მაშველები 5 საათის განმავლობაში ცდილობდნენ ფისოს ადგილსამყოფელის იდენტიფიცირებასა და მის ამოყვანას. დიდი ძალისხმევის შედეგად, ფისო რეაგირების ჯგუფმა მშვიდობიანად გამოიყვანა.