15 მაისი
2026
სააგენტოს წარმომადგენლები 55-ე საჯარო სკოლას ესტუმრნენ
ცხოველთა მონიტორინგის სააგენტოს წარმომადგენლებმა საინფორმაციო-შემეცნებითი შეხვედრა 55-ე საჯარო სკოლაში გამართეს. შეხვედრის მიზანი მოზარდებში ცხოველებისადმი პასუხისმგებლიანი დამოკიდებულების გაძლიერებაა.
გაკვეთილის ფარგლებში, ბავშვებმა მიიღეს ინფორმაცია შინაური და მიუსაფარი ცხოველების მოვლის შესახებ, გაიგეს, რას ნიშნავს ცხოველების ყურზე არსებული სპეციალური საჭდე და როგორ უნდა მოიქცნენ, როდესაც ქუჩაში დახმარების საჭიროების მქონე ცხოველს შეხვდებიან.
პროექტი ემსახურება იმას, რომ მოსწავლეებმა ადრეული ასაკიდანვე გააცნობიერონ, რამდენად მნიშვნელოვანია შინაური ცხოველის მოვლა და მათზე ზრუნვა. შეხვედრის დასასრულს სააგენტოს წარმომადგენლებმა მონაწილეებს სერტიფიკატები გადასცეს და სიმბოლურად „ცხოველების მეგობრის“ სტატუსი მიანიჭეს.
პრეზენტაციას სააგენტოს დირექტორის მოადგილე თემურ ბარელაძე დაესწრო.
თუ გსურთ, სააგენტომ თქვენს კლასში აღნიშნული გაკვეთილი ჩაატაროს, დაგვიკავშირდით: 550 05 41 44, ან მოგვწერეთ სოციალური ქსელის საშუალებით.
