ცხოველთა მონიტორინგის სააგენტოს სამაშველო ეკიპაჟმა კნუტი გადაარჩინა
ცხოველთა მონიტორინგის სააგენტოს სამაშველო ეკიპაჟმა კნუტი გადაარჩინა, რომელიც დიდი დიღმის მეოთხე მიკრო რაიონის N12 კორპუსის საჰაერო მილში იყო ჩავარდნილი. კორპუსის მცხოვრებლებს მისი ხმა 2 დღის განმავლობაში ესმოდათ, თუმცა კნუტის პოვნას ვერ ახერხებდნენ. ადგილზე მისულმა სამაშველო ჯგუფმა კორპუსის მცხოვრებლების თანხმობის შემდეგ, კედელი გამოანგრია და კნუტი მილიდან გამოიყვანა. ის სრულ გამოჯანმრთელებამდე მუნიციპალურ თავშესაფარშია გადაყვანილი.