საინფორმაციო-შემეცნებითი გაკვეთილი 59-ე საჯარო სკოლაში

24 აპრილი

2019

ცხოველთა მონიტორინგის სააგენტომ, იუსტიციის სამინისტროს სსიპ „დანაშაულის პრევენციის ცენტრთან“ ერთობლივი პროექტის ფარგლებში, 59-ე საჯარო სკოლაში X-XII კლასების მოსწავლეებისათვის საინფორმაციო-შემეცნებითი გაკვეთილი ჩაატარა.

გაკვეთილის განმავლობაში, მოსწავლეებმა ინტერაქტიულ რეჟიმში მიიღეს ინფორმაცია შემდეგ საკითხებზე:

რას ნიშნავს ცხოველის კეთილდღეობა;
რა უფლებები აქვს ცხოველს;
მიუსაფარი ცხოველების პრობლემები და საჭიროებები;
პოპულაციის მართვის ჰუმანური მეთოდები;
რა გავლენას ახდენს ცხოველის ყოლა ბავშვის ფსიქო-ემოციურ განვითარებაზე;
რა პასუხისმგელობა აქვს ცხოველის პატრონს;
როგორ უნდა მოვიქცეთ გასაჭირში მყოფი ცხოველის აღმოჩენის შემთხვევაში;
ცხოველების მიმართ ჩამოყალიბებული სტერეოტიპები და არარაციონალური შიშები;
შინაური ცხოველების მოვლა-პატრონობის წესები;
ცხოველებისადმი სასტიკად მოპყრობასთან დაკავშირებული საკანონმდებლო რეგულაციები;
მიუსაფარ ცხოველებთან ურთიერთობის წესები.

გაკვეთილის ფარგლებში, მოსწავლეებმა მოკლემეტრაჟიანი ფილმები ნახეს და მიუსაფარ ცხოველებთან დაკავშირებულ სხვადასხვა აქტუალურ საკითხზე იმსჯელეს.

„დანაშაულის პრევენციის ცენტრმა“ მოსწავლეებს ბავშვებისათვის ადაპტირებული სამოქალაქო განათლების სახელმძღვანელო - ,,სამართლის ქალაქი“ გადასცა.

გაკვეთილის დასასრულს, მოზარდებმა ხუთი მოსწავლისაგან შედგენილი ,,საბჭო“ აირჩიეს, რომელიც მიღებულ ინფორმაციას შემდგომში უმცროსკლასელ მოსწავლეებს გაუზიარებს და სააგენტოსთან კოორდინაციით, სხვადასხვა სასარგებლო აქტივობას დაგეგმავს.

აღნიშნული გაკვეთილების ჩატარების მიზანს მოზარდებში ცხოველების მიმართ არასათანადო მოპყრობის პრევენცია, სოციალური პასუხისმგებლობის წახალისება და სამართლებრივი ცნობიერების ამაღლება წარმოადგენს.