საჯარო ლექცია - ,,გაწვრთნილი ძაღლების როლი პოლიციის საქმიანობაში“
ცხოველთა მონიტორინგის სააგენტოს ინიციატივით, ილიას სახელმწიფო უნივერსიტეტში საჯარო ლექციების კურსის - ,,ყველაფერი შინაური ცხოველების შესახებ“ მომდევნო ლექცია - ,,გაწვრთნილი ძაღლების როლი პოლიციის საქმიანობაში“ ჩატარდა.
საჯარო ლექცია შსს-ს საპატრულო პოლიციის დეპარტამენტის კინოლოგიის სამსახურის განყოფილების უფროსმა მანუჩარ ბელქანიამ წაიკითხა.
ლექციის ძირითადი საკითხები იყო:
- რა მეთოდებით ხდება ძაღლების გაწვრთნა და ნებისმიერი სუნის შესწავლა;
- რატომ ხდება სხვადასხვა ჯიშის ძაღლის შერჩევა პოლიციის სხვადასხვა კინოლოგიური სამსახურის საქმიანობაში;
- რა ასაკიდან იწყება ლეკვების გაწრთვნა, რას ასწავლიან და რამდენი ხანი გრძელდება წრთვნის პროცესი;
- სად ცხოვრობენ ძაღლები და როგორია მათი კვების რაციონი;
- ძაღლის მუშაობის რესურსი და რა ხდება რესურსის ამოწურვის შემდეგ;
- ძაღლების საშუალებით ამოღებული ნარკოტიკული საშუალებები, ან სხვა შედეგი;
- ძაღლების მონაწილეობით გახსნილი დანაშაულების რეალური ფაქტები.
ლექციის დასასრულს გაწვრთნილი ძაღლების მონაწილეობით ნარკოტიკული საშუალებების ძებნის იმიტირებული პროცესიც მოეწყო.
საჯარო ლექციების კურსზე დასწრება ნებისმიერ მსურველს შეუძლია. კურსის დასრულების შემდეგ, მსმენელებს სერტიფიკატები გადაეცემათ.