30 სექტემბერი
2019
ცხოველთა მონიტორინგის სააგენტოს დირექტორი ნავთლუღის მოსახლეობას შეხვდა
ცხოველთა მონიტორინგის სააგენტოს დირექტორი ვახტანგ ლომჯარია, მიუსაფარი ცხოველების პოპულაციის მართვის საკითხზე საზოგადოების ცნობიერების ამაღლების მიზნით, 81-ე საჯარო სკოლაში ნავთლუღის მოსახლეობას შეხვდა.
შეხვედრა ისნის რაიონის გამგეობის მხარდაჭერით ჩატარდა. მას რაიონის გამგებელი კახა ლაბუჩიძე და საკრებულოს მაჟორიტარი დეპუტატი ნინო ლაცაბიძე დაესწრო.
შეხვედრის განმავლობაში, მონაწილეებმა შემდეგ საკითხებზე მიიღეს ინფორმაცია:
- მიუსაფარ ცხოველთა პოპულაციის მართვის პოლიტიკა;
- კასტრაცია-სტერილიზაციის უპირატესობები;
- ცხოველთა მონიტორინგის სააგენტოს საქმიანობის ძირითადი მიმართულებები;
- საკანონმდებლო რეგულაციები;
- ცხოველის პატრონის უფლებები და მოვალეობები;
- ცოფის ვირუსის პრევენციული ღონისძიებები და სხვა.
შეხვედრის ფარგლებში, სააგენტოს დირექტორი ადგილობრივ პრობლემებს გაეცნო და მოსახლეობის შეკითხვებს უპასუხა.
საინფორმაციო კამპანიის ფარგლებში, მოსახლეობასთან შეხვედრები თბილისის ყველა რაიონში ჩატარდება.
